Bakıda fəaliyyət göstərən “Hind klinikası” Məhdud Məsuliyyətli Cəmiyyətində nöqsanlar aşkarlanıb.
Lent.az-ın məlumatına görə, yoxlamalar zamanı klinikanın tibb işçilərinin qanundankənar xidmətlər göstərdiyi müəyyən edilib. Bu səbəblə tibb müəssisəsi barəsində İnzibati Xətalar Məcəlləsinin 215.1-ci (Tibb fəaliyyəti ilə məşğul olan şəxslər tərəfindən dövlət tibb müəssisələrinin nizamnamələrində və ya özəl tibb fəaliyyəti sahəsində onlara verilmiş lisenziyada göstərilən işlərdən və xidmətlərdən kənar tibb fəaliyyətinin həyata keçirilməsinə görə) maddəsi ilə cərimə protokolu tərtib olunub.
Protokol baxılması üçün Yasamal rayon Məhkəməsinə göndərilib. İş hakim Murad Məmmədovun icraatına verilib.
Qeyd edək ki, həmin maddə üzrə “Hind Klinikası”nı altı min manatdan səkkiz min manatadək məbləğdə cərimə gözləyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
