Azərbaycanlılara yaxşılıq etdi, cinayət işi açıldı

Kalmıkiya Respublikasının Elista şəhərində azərbaycanlıları qeydiyyata alan yerli sakinə cinayət işi başlanılıb.

Lent.az Rusiya mediasına istinadla bildirir ki, polis avqust ayında keçirilən əməliyyat-profilaktik tədbiri zamanı yerli sakin tərəfindən miqrasiya qanunvericiliyinin pozulması faktını aşkar edib.

Müəyyən edilib ki, 50 yaşlı paytaxt sakini 3 Azərbaycan Respublikası vətəndaşını mənzillə təmin etməsə də, qondarma yaşayış yeri üzrə qeydiyyata alıb.

Əvvəllər analoji əmələ görə cinayət məsuliyyətinə cəlb edilmiş Elista sakini barəsində cinayət işi açılıb.

Araşdırma zamanı məlum olub ki, həmin şəxs qondarma olaraq daha iki əcnəbi vətəndaşı yaşadığı yerə qeydiyyata salıb.