Azərbaycanlı ər-arvadın mağazasından qarpız alıb yeyən qadın öldü

Moskvalını zəhərləyərək öldürən qarpız Həştərxandan gətirilib.

Lent.az-ın xarici mediaya istinadla xəbərinə görə, mərhum qadın onun ölümünə səbəb olacaq qarpızı “Sportivnaya” metrosu yaxınlığındakı “Meyvə cənnəti” mağazasından alıb.

Hazırda araşdırma aparılır, hüquq-mühafizə orqanlarının əməkdaşları sənədləri araşdırır, mallar götürülüb və ekspertizaya göndəriləcək. Artıq mağazanın bağlandığı da məlumdur. Polis satıcını sorğu-sual üçün aparıb. Bəzi məlumatlara görə, mağazanın sahibləri əslən azərbaycanlı olan ər-arvaddır.

Hələ satış məntəqəsi bağlanmazdan əvvəl qorxuya düşən bir neçə müştəri aldığı meyvələri mağazaya qaytara bilib. Onlar bunu qadının qarpız yedikdən sonra ölməsi xəbəri fonunda etdiklərini etiraf ediblər.