Araq oğurluğunda şübhəli bilinən baş həkim işdən çıxarıldı - VİDEO

Masallı Rayon Mərkəzi Xəstəxanasının direktoru işdən çıxarılıb.

Lent.az APA-ya istinadla xəbər verir ki, Masallı Mərkəzi Rayon Xəstəxanası Publik Hüquqi şəxsin baş həkimi vəzifəsini icra edən Rasim Əzizov tutduğu vəzifədən azad edilib.

Rasim Əzizov 2003-cü ildən bu ilin fevral ayına kimi Masallı Rayon Mərkəzi Xəstəxanasının Poliklinika şöbəsinin müdiri vəzifəsində çalışıb. R.Əzizov bu ilin fevral ayından isə həmin xəstəxananın baş həkimi vəzifəsini icra edən kimi fəaliyyət göstərib.

Faktı Masallı Rayon İcra Hakimiyyətindən təsdiqləyiblər.

Qeyd edək ki, Masallı Rayon Mərkəzi Xəstəxanasının baş həkimi Rasim Əzizovun mağazalardan birindən oğurluq etməsi ilə bağlı sosial şəbəkələrdə videogörüntülər yayılıb.

Daxili İşlər Nazirliyi görüntüləri araşdırır.

Lent.az həmin görüntüləri təqdim edir: