Ailəsi "PUBG" oynamağına icazə vermədiyi üçün uşaq ÖZÜNÜ GÜLLƏLƏDİ

Türkiyədə ailəsinin icazə vermədiyi PUBG oyununu oynamaq istəyən 12 yaşlı uşaq tapança ilə başına atəş açaraq ağır yaralanıb.

Lent.az xarici KİV-ə istinadən xəbər verir ki, uşaq müalicə üçün xəstəxanaya yerləşdirilərkən baş verən hadisə internet oyunlarının uşaqlar üzərindəki mənfi təsirlərini bir daha gündəmə gətirib.

İddiaya görə, dünən axşam saat 21:00 radələrində Samsunun Vezirköprü mahalının Sarıdibek rayonunda 12 yaşlı E.C. evdəki yataq otağına gedərək ailəsi PUBG (Papçi) oyunu oynamasına icazə vermədiyi üçün tapança ilə başına atəş açıb.

Silah səsini eşidən ailəsi yataq otağına qaçıb və uşaqlarını qan içində görüblər. Vezirköprü Dövlət Xəstəxanasına aparılan uşaq ilkin tibbi yardım göstərildikdən sonra Samsun Ondokuz May Universiteti (OMÜ) Tibb Fakültəsi Xəstəxanasına köçürülüb.

Təcili yardım maşınında ürəyi dayanan uşağı həkim qrupu ən yaxın Samsun Təhsil və Araşdırma Xəstəxanasına aparıb. Müdaxilədən sonra uşağın ürəyi yenidən döyünməyə başlayıb və həkim nəzarəti altında xəstəxanaya aparılıb. Yaralının reanimasiya şöbəsində müalicəsi davam edərkən, səhhətinin ağır olduğu öyrənilib. Hadisə ilə bağlı araşdırmalara başlanılıb.

Hadisə ilə bağlı araşdırma başlanarkən internet oyunlarının uşaqlara mənfi təsiri bir daha gündəmə gəlib