Oğuzda ölümlə nəticələnən ağır yol qəzası baş verib.
Lent.az bildirir ki, APA-nın şimal-qərb bürosunun məlumatına görə, hadisə saat 12:30-da Qaraməryəm – İsmayıllı-Şəki magistral yolunun Oğuz rayonu Kərimli kəndi ərazisindən keçən hissəsində olub.
Hərəkətdə olan minik avtomobili ilə qoşqulu motosiklet toqquşub. Qəza zamanı motosikletdə olan bir nəfər aldığı ağır xəsarətlərdən hadisə yerində ölüb. Daha bir nəfər isə aldığı müxtəlif dərəcəli bədən xəsarətləri ilə Oğuz Rayon Mərkəzi Xəstəxanasına yerləşdirilib.
İlkin məlumata görə, motosikletdə olanlar Oğuz rayon sakinləridir. Onlar ata və oğuldur. Qəza zamanı həyatını itirən oğuldur.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
