BDU-nun tələbəsinin ÖLÜM SƏBƏBİ bilindi

Ötən ilin noyabrında Bakı Dövlət Universitetinin yataqxanasında zəhərlənən tələbə Şəkər Xəsmətovanın ekspertizasının nəticəsi açıqlanıb.

Lent.az xəbər verir ki, bu barədə mərhumun dayısı oğlu Samir İsayev özünün “Facebook” profilində məlumat verib. O, etdiyi paylaşımda ekspertizanın Türkiyədə aparıldığını və qanda 54 faiz qaz zəhərlənməsi aşkar olunduğunu bildirib:

“Bu gün dayım Bakı şəhər Prokurorluğuna çağırılıb. Nəticələr rəsmən təqdim olundu. Otağın aşağı mərtəbəsində hamam otağına gedən qaz boruları divarın daxilindən çəkilibmiş. Sızma da buradan olub”.

Qeyd edək ki, ötən il noyabrın 21-də BDU-nun yataqxanasında yaşayan 3 qız tələbə zəhərlənib. Digər iki tələbənin həyatını xilas etmək mümkün olsa da, Şəkər Xəsmətova dünyasını dəyişib.