12:27 25 yanvar 2021

21 erməni cinayətkar beynəlxalq axtarışa verildi

Yanvarın 23-də Baş Prokurorluqda Mərkəzi aparatın, respublika hərbi, Naxçıvan Muxtar Respublikası Hərbi və Bakı şəhər prokurorluqlarının rəhbər heyətinin, rayon (şəhər) və ərazi hərbi prokurorlarının iştirakı ilə videokonfrans rejimində prokurorluq orqanları tərəfindən 2020-ci ildə görülmüş işlərin vəziyyəti və qarşıda duran vəzifələrin müzakirəsinə həsr olunmuş geniş kollegiya iclası keçirilib.

Baş Prokurorluqdan Lent.az-a verilən xəbərə görə, iclasda çıxış edən baş prokuror Kamran Əliyev bildirib ki, erməni silahlı birləşmələrinin dinc əhalini atəşə tutması nəticəsində 93 nəfər, o cümlədən 12 azyaşlı və 27 qadın qətlə yetirilib.

Başlanan 62 cinayət işi üzrə 21 şəxs barəsində axtarış elan edilib. 25 ölkənin baş prokuror və ədliyyə nazirlərinə Ermənistanın törətdiyi cinayətlər haqqında məktublar göndərilib. Ermənistanın törətdiyi cinayətlər haqqında 37 xarici dövlətin səlahiyyətli orqanına 46 hüquqi yardım göstərilməsinə dair vəsatətlər göndərilib.

# 459
avatar

Mehman Nəbiyev

Oxşar yazılar