DİN: Binəqədidəki qəzada 18 nəfər yaralanıb

Lent.az-ın nazirliyin saytına istinadən verdiyi məlumata görə, avqustun 23-də saat 10.00 radələrində Binəqədi rayonu ərazisində, Bakı şəhər sakini Zahid Əliyevin idarə etdiyi “Otoyol” markalı və Şamaxı rayon sakini Rahim Gülalıyevin idarə etdiyi “Otoyol” markalı şəhərdaxili sərnişin avtobusları toqquşub.

Nəticədə xəsarət almış hər 2 sürücü və 16 sərnişin müxtəlif dərəcəli xəsarətlər alaraq xəstəxanaya yerləşdirilib. Sərnişinlərə tibbi yardım göstərildikdən sonra buraxılıb, sürücülərin vəziyyətləri isə qənaətbəxşdir.