Azərbaycanda yoxa çıxmış kişi 3 ildir, tapılmır - FOTO

3 il əvvəl Gəncədə yoxa çıxmış 44 yaşlı kişidən hələ də bir xəbər yoxdur. Gəncə şəhər Baş Polis İdarəsindən Lent.az-a verilən məlumata görə, 1968-ci ildə Ağstafa rayonunun Köçəskər kəndində anadan olmuş, Gəncə şəhəri, Xətai prospektindəki mənzillərdən birində yaşamış Murquzov Vasif Valeh oğlu 2009-cu il oktyabr ayının əvvəllərində yaşadığı evdən gedib və bir daha geri qayıtmayıb. İtkin düşmüş şəxsin xarakterik əlamətləri aşağıdakılardır:

Boyu 1 metr 70 santimetr, orta köklükdə, qarayanız, gözləri və saçları qara rəngdədir. Evdən gedərkən əynində boz rəngli kostyum, göy köynək, qara rəngli ayaqqabı olub. Vasif Murquzovu görənlərdən və ya itkin düşmüş bu şəxs barəsində hər hansı məlumatı olanlardan DİN-in "102" Xidmətinə, həmçinin (022) 256-07-73, (022) 256-52-19 nömrəli şəhər, eyni zamanda, (050) 327-58-50 və (050) 380-17-34 nömrəli mobil telefonlara zəng edərək bu haqda Gəncə Şəhər Baş Polis İdarəsinin Kəpəz Rayon Polis İdarəsinə məlumat vermələri xahiş olunur.

Nizam RZA