Qəhrəmanlar Unudulmur – Milli Qəhrəman Gültəkin Əsgərova

Qarabağ Azadlıq Təşkilatı və Milli Qəhrəmanları Tanıtma İctimai Birliyi Azərbaycanın ərazi bütövlüyü uğrunda vuruşmuş Milli Qəhrəmanların cəmiyyətə bir daha təqdim olunması üçün təşəbbüs irəli sürüb.

Lent.az da bu təşəbbüsə qoşulur və Milli Qəhrəmanların doğum günlərində onlar haqqında məlumatları dərc edir.

Qəhrəmanlar unudulmur!

Gültəkin Məlik qızı Əsgərova 1960-cı il noyabrın 20-də Bakı şəhərində anadan olub. O, peşəkar həkim kimi 1992-ci il aprelin 4-də könüllü olaraq cəbhəyə gedib, Turşsu, Şuşa, Laçın, Qubadlı və digər yerlərdə əsgərlərə tibbi yardım göstərib, onlarla insanın həyatını xilas edib. 1992-ci il iyunun 20-də Aranzəmin-Naxçıvanik istiqamətində gedən döyüşdə həlak olub. 1993-cü il noyabrın 20-də Milli Qəhrəman adı verilib. Bakı şəhərində Şəhidlər Xiyabanında dəfn edilib. Oxuduğu 200 saylı məktəb, Xəzərdə üzən gəmilərdən biri onun adını daşıyır, Bakı şəhəri Nərimanov rayonunda büstü qoyulub.