Toydan qayıdan ailənin faciəsi: 1 ölü, 5 yaralı

Noyabrın 14-nə keçən gecə Bakı-Quba yolunda ağır yol qəzası baş verib. Baş Dövlət Yol Polisi İdarəsindən Lent.az-a verilən məlumata görə, yolun Xızı rayonu ərazisinə düşən hissəsində 1986-cı il təvəllüdlü Aftandil Qurbanovun idarə etdiyi “VAZ 2105” markalı avtomobil yoldan çıxaraq aşıb. Nəticədə sürücü də daxil olmaqla 5 nəfər ağır xəsarət alıb. Digər sərnişin 15 yaşlı Elvin Qurbanov isə hadisə yerindəcə keçinib. Yaralılardan 3-ü qadındır.

Lent.az-a verilən digər məlumata görə, qəzaya uğrayan avtomobildə olan 6 nəfər bir ailənin üzvləri və yaxın qohumlardır. Onlar toy mərasimindən qayıdırmış.

Faktla əlaqədar BDYPİ-nin İstintaq şöbəsində cinayət işi başlanılıb.

Nizam RZA