Göygöldə yol-nəqliyyat hadisəsi baş verib.
APA-nın yerli bürosunun məlumatına görə, hadisə Gəncə-Şəmkir yolunun rayonun Quşqara kəndindən keçən hissəsində qeydə alınıb.
1991-ci il təvəllüdlü Abbasov İsmayıl Nizaməddin oğlu idarə etdiyi “Mercedes” markalı minik maşını ilə hərəkətdə olarkən 2000-ci il təvəllüdlü Qənbərov Nicat Natiq oğlunun idarə etdiyi “Ford” markalı maşınla toqquşub.
Qəza zamanı “Mercedes”in sərnişinləri Kürdəmir rayon Karrar kənd sakinləri – 1996-ci il təvəllüdlü Ələkbərov Beyrək Valeh oğlu və 1998-ci il təvəllüdlü Zalıyev Əliağa Şəmsi oğlu xəsarət alaraq xəstəxanaya yerləşdiriliblər.
Yaralıların vəziyyətinin kafi olduğu bildirilir.
Hadisə yerinə DYP əməkdaşları və təcili tibbi yardım briqadası cəlb olunub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
