Rusiya XİN: "Biz Suriyaya silah göndəririk"

Rusiya Suriyaya hərbi yardımı terrorla mübarizə aparmaq üçün edir

Mariya Zaxarova: "Rusiya istehsalı silahların digər məqsədlərlə istifadə olunmamasının zəmanəti ikitərəfli müqavilədə qeyd olunub"

"Rusiya Suriyaya hərbi yardımı ancaq terrorla mübarizə aparmaq üçün edir. Rusiya istehsalı silahların digər məqsədlərlə istifadə olunmamasının zəmanəti barədə tərəflər arasında imzalanmış müqavilədə yazılıb". APA-nın Moskva müxbirinin verdiyi məlumata görə, bunu bu gün keçirdiyi brifinqdə Rusiya Xarici İşlər Nazirliyinin xüsusi nümayəndəsi Mariya Zaxarova bildirib.

Onun sözlərinə görə, Silahların digər məqsədlərlə istifadə olunmamasının zəmanəti ikitərəfli müqavilədə qeyd olunub: "Sözsüz ki, biz Suriyaya Dəməşqin terrorla mübarizə aparması üçün silah göndəririk. Sizi əmin edə bilərəm ki, beynəlxalq terrorla mübarizədən başqa biz Dəməşqə hərbi-texniki yardım etmirik. Bu Moskvanın əsas məqsədidir".

Mariya Zaxarova Suriyada rusiyalı hərbi mütəxəssislərin olduğunu və onların suriyalılara Rusiya hərbi texnikasını istifadə etməkdə kömək etdiklərini də bildirib.