Moskvada bir gündə ikinci bazar “təmizləndi” - YENİLƏNİB
23 avqust 2013 15:19 (UTC +04:00)

Moskvada bir gündə ikinci bazar “təmizləndi” - YENİLƏNİB

Moskva bazarlarında “təmizləmə” əməliyyatları davam edir, Dolqoprudnıy meyvə-tərəvəz bazasında 600-ə yaxın miqrant saxlanıb
 
 
Saxlanılanlardan 33 nəfərinin ölkədən deportasiya olunması haqqında qərar qəbul edilib


Rusiya xüsusi təyinatlı polis dəstələri - OMON Moskva vilayətinin Dolqoprudnıy rayonunda yerləşən meyvə-tərəvəz bazasında “təmizləmə əməliyyatı” keçirib. Bu barədə APA-nın Moskva müxbirinə Rusiya Federasiyası Daxili İşlər Nazirliyinin Moskva vilayəti üzrə Baş İdarəsindən məlumat verilib. Məlumatda bildirilib ki, keçirilən əməliyyat zamanı polis Rusiya miqrasiya qanunvericiliyini pozan 600-ə yaxın xarici vətəndaşı saxlayıb. Onlar polis şöbələrinə aparılıblar.

 

Saxlanılanlardan 33 nəfərinin artıq ölkədən deportasiya olunması haqqında qərar qəbul olunub. Onlardan 7 nəfərinin saxta miqrasiya sənədi olduğu bildirilib.

 

Polisdən əlavə ediblər ki, saxlanılan qeyri-leqal miqrantlar meyvə-tərəvəz bazasının ərazisində yaşayanlardır. 

 

******

14.46

 

Rusiya xüsusi təyinatlı polis dəstələri - OMON Moskvanın “Doroqomilovski” bazarında “təmizləmə əməliyyatı” aparıb.

 

APA-nın Moskva müxbirinin verdiyi məlumata görə, bu gün səhər saatlarında OMON-un bazara basqını zamanı xeyli sayda miqrant saxlanılıb. Onlar sənədləri belə yoxlanılmadan avtobuslara mindirilərək polis şöbələrinə aparılıblar.

 

Saxlanılanlar arasında azərbaycanlılar da var.

 

“Doroqomilovski” bazarı Moskvanın ən bahalı bazarı sayılır. Bazarda Azərbaycandan gətirilən meyvə-tərəvəz məhsulları satılır.

 

Paytaxt polisindən APA-ya verilən məlumata “Doroqomilovski”  bazarında keçirilən əməliyyat iyulun 27-də Moskvanın Matveevski bazarında Dağıstan sakinlərinin polis nəfərinə hücum etməsi ilə bağlıdır.

 

Qeyd edək ki, Moskva polisi iyulun 27-də “Matveevski” bazarında 15 yaşlı qızı zorlamaqda şübhəli bilinən dağıstanlı Maqomed Maqomedovu saxlamaq istəyərkən 20-25 nəfərin hücumuna məruz qalıb. Nəticədə bir polis əməkdaşı başından ağır yaralanıb. Bu hadisədən sonra daxili işlər nazirinin əmri ilə bütün paytaxt bazarlarında miqrantlara qarşı “təmizləmə” əməliyyatı başlanılıb. Nəticədə 3000 nəfərdən çox miqrant saxlanılıb. Hətta onlar üçün Moskvanın şərqində yerləşən Qolyanovo rayonunda çadır şəhərciyi də salınıb.

 

Artıq çadır şəhərciyində saxlanılan miqrantların çoxu Rusiyadan deportasiya olunub. 

 

# 1522
avatar

Oxşar yazılar

Həbsxanadan kütləvi qaçış: 10 ÖLÜ

Həbsxanadan kütləvi qaçış: 10 ÖLÜ

4 mart 2024 , 04:33
Fevral 63 ilin ən isti ayı oldu - REKORD

Fevral 63 ilin ən isti ayı oldu - REKORD

3 mart 2024 , 07:26
Gənc oğlan 9-cu mərtəbədən yıxılqaraq öldü

Gənc oğlan 9-cu mərtəbədən yıxılqaraq öldü

3 mart 2024 , 06:55
36 yaşlı kişi 12 yaşlı qızını zorladı

36 yaşlı kişi 12 yaşlı qızını zorladı

3 mart 2024 , 01:45
Məhəllədə qaz xətti partladı

Məhəllədə qaz xətti partladı

2 mart 2024 , 22:59
Oğrulardan bezərək avtomobilini zəncirlədi - FOTO

Oğrulardan bezərək avtomobilini zəncirlədi - FOTO

2 mart 2024 , 21:58
Generallara  cinayət işi açıldı

Generallara cinayət işi açıldı

2 mart 2024 , 19:11
Məktəbli qız məktub yazıb özünü öldürdü

Məktəbli qız məktub yazıb özünü öldürdü

2 mart 2024 , 18:22