Atatürk hava limanında terroru törədənlərdən birinin görüntüləri ortaya çıxıb.
Lent.az-ın Habertürk-ə istinadən məlumatına görə, görüntüsü peyda olan həmin terrorçunun adının Gilan olduğu da bəlli olub.
Görüntülərdə onun qışlıq manto geyindiyi və belini tutduğu görünür. Partlayış nəticəsində belindən yuxarısı parçalanan terrorist ayaqqabısından tanınıb.
Qeyd edək ki, İstanbulun Atatürk hava limanında terroru törədən 3 nəfər olub.
Bundan başqa, “Milliyyət”də verilən xəbərə görə, həmin terrorçuları hava limanına aparan taksi sürücüsü də gözaltına alınıb. Həmin şəxs ifadəsi alındıqdan sonra sərbəst buraxılıb.