Bosniya və Herseqovina İranın iki diplomatını “persona non qrata” (“arzuolunmaz şəxs”) elan edilib. APA-nın məlumatına görə, bu barədə Bosniya və Herseqovinanın Təhlükəsizlik Nazirliyinin yaydığı rəsmi açıqlamada bildirilib. Məlumatda qeyd edilib ki, Həmzə Dulab Əhməd və Yədidi Söhrab artıq Sarayevonu tərk ediblər: “Onlar diplomatik statuslarından diplomatik nümayəndəliyinin funksiyalarından kənar fəaliyyət üçün istifadə ediblər. Bununla da diplomatik münasibətlərə dair Vyana Konvensiyasının 41-ci maddəsinin müddəalarını pozublar. Bosniya və Herseqovina Təhlükəsizlik Nazirliyinin göstərişi ilə Xarici İşlər Nazirliyi tərəfindən “persona non qrata” elan edilən İranın hər iki diplomatı ölkədən çıxarılıb”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
