Konqo Silahlı Qüvvələrinə məxsus iki hərbi helikopterin qəzaya uğraması nəticəsində iki rusiyalı pilot ölüb, daha üçü isə yaralanıb. APA-nın “RİA Novosti”yə istinadən verdiyi xəbərə görə, bu barədə Konqo ordusunun generalı Leon Muşale bildirib.
Məlumata görə, “Mİ-24” tipli iki helikopter əlverişsiz hava şəraiti səbəbindən ölkənin dağlıq ərazisində qəzaya uğrayıb.
Axtarış-xilasetmə tədbirləri nəticəsində hadisə yerində 3 cəsəd aşkarlanıb, onlardan birinin konqolu zabitə, ikisinin isə rusiyalı pilotlara məxsus olduğu bildirilir. Hadisə yerində daha 5 yaralı ekipaj üzvü aşkarlanıb. Xəstəxanaya yerləşdirilən yaralılardan üçünün rusiyalı olduğu bildirilir.
Məlumata görə, daha bir rusiyalı pilot “M23” hərbiləşdirilmiş üsyançı qruplaşmanın üzvləri tərəfindən girov götürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
