[b]Doqquz ölkənin səfirliyi bir arada - Novruzu qeyd etdilər[/b]
19 mart 2019 19:30 (UTC +04:00)

[b]Doqquz ölkənin səfirliyi bir arada - Novruzu qeyd etdilər[/b]

Azərbaycan, Türkiyə, İran, Qazaxıstan, Qırğızıstan, Rusiya, Tacikistan, Türkmənistan və Özbəkistanın Belarusdakı səfirliklərinin təşəbbüsü ilə Marriott hotelində böyük Novruz şənliyi keçirilib.
 
Lent.az AZƏRTAC-a istinadən xəbər verir ki, bu barədə Azərbaycanın Belarusdakı səfirliyindən məlumat verilib.
 
Özbəkistan səfiri Nəsircan Yusupov mərasimi açıq elan etdikdən sonra Azərbaycanın Belarusdakı səfiri Lətif Qəndilov çıxış edib. L.Qəndilov repressiyaya məruz qalan xalqların, kitabların, musiqinin olduğu kimi, Novruz bayramının da guya dinlə əlaqəsinin olduğu səbəb gətirilərək uzun zaman qadağan edildiyini diqqətə çatdırıb. Lakin xalqlarımız nağıllarımızı, dastanlarımızı qoruduğu kimi, gizlin olsa da bu bayramı yaşadıb və nəsildən-nəsilə ötürüblər. Milli varlığımızın qorunub saxlanılmasında heç şübhəsiz ki, Novruz bayramının böyük rolu olub.
 
Səfir, həmçinin deyib ki, Azərbaycanın birinci xanımı Mehriban Əliyevanın təşəbbüsü ilə 2009-cu ildə Novruz bayramı UNESCO-nun Qeyri-maddi Mədəni İrsin Reprezentativ Siyahısına daxil edilib. Mərasimdə MDB İcraiyyə Komitəsi sədrinin birinci müavini Viktor Quminski, Belarus Xarici İşlər Nazirliyinin MDB Ölkələri ilə Əməkdaşlıq İdarəsinin rəisi Viktor Denisenko və Qazaxıstanın Belarusdakı səfiri Ermuxamet Yertizbayev də çıxış ediblər.
 
Azərbaycanın Belarusdakı səfirliyi mərasimdə fəal iştirak edib. Tədbirdə iştirakçı dövlətlərin rəqs və musiqi kollektivləri çıxış edib, milli mətbəxlərini nümayiş etdiriblər. Azərbaycan “Sarı Gəlin” və “Qafqaz Əfsanələri” rəqs qrupları ilə təmsil olunub. Hər iki qrup böyük rəğbətlə və alqışla qarşılanaraq öz peşəkarlığı ilə seçilib.
 
Səfirliyin əməkdaşlarının hazırladıqları Azərbaycan mətbəxinin nümunələri olan plov, dolma və şərbət iştirakçılar tərəfindən çox bəyənilib. Səfirliyin qadın əməkdaşları tərəfindən nəfis şəkildə tərtib olunaraq bəzədilmiş xonçalarla bərabər, paxlava və şəkərbura kimi Azərbaycan şirniyyatları da çox böyük maraq və rəğbətlə qarşılanıb.
 
Tədbir çərçivəsində, həmçinin iştirakçı ölkələrin milli suvenirləri nümayiş etdirilib.
# 569
avatar

Oxşar yazılar

Sevgilisinə görə İslam dinini qəbul etdi

Sevgilisinə görə İslam dinini qəbul etdi

1 mart 2024 , 17:27
56 yaşlı kişi 10 yaşlı qızı intim videolarla şantaj etdi

56 yaşlı kişi 10 yaşlı qızı intim videolarla şantaj etdi

1 mart 2024 , 17:00
Aleksey Navalnı dəfn olundu

Aleksey Navalnı dəfn olundu

1 mart 2024 , 16:55
Bacısı imtahandan keçsin deyə polis oldu

Bacısı imtahandan keçsin deyə polis oldu

1 mart 2024 , 16:51
İdmançı yarışı qazanmaq üçün qəpikləri uddu

İdmançı yarışı qazanmaq üçün qəpikləri uddu

1 mart 2024 , 16:24
Əsgər keçmiş sevgilisinin ailə üzvlərini öldürdü

Əsgər keçmiş sevgilisinin ailə üzvlərini öldürdü

1 mart 2024 , 16:06
İşçisinə xərçəng xəstəliyi arzulayan general istefa verdi

İşçisinə xərçəng xəstəliyi arzulayan general istefa verdi

1 mart 2024 , 15:48
Bu maşın nömrəsi 30 milyona  satıldı

Bu maşın nömrəsi 30 milyona satıldı

1 mart 2024 , 14:45