Dağıstanda 4 silahlı məhv edildi - YENİLƏNİB

Dağıstanın Qızılyurt rayonunda 2 silahlı məhv edilib.

APA-nın RİA Novosti agentliyinə istinadən verdiyi xəbərə görə, insident Stalsk kəndi yaxınlığında qeydə alınıb.

Hüquq-mühafizə orqanlarının əməkdaşları minik avtomobilini saxlayıb yoxlamaq istədikdə maşından onlara atəş açılıb. Başlanmış atışmada maşındakı 2 nəfər qətlə yetirilib.

Hadisə yerində operativ-istintaq qrupu işləyir. Silahlıların şəxsiyyəti müəyyənləşdirilir.

Bundan əlavə, Dağıstanın Tsumadin rayonunda antiterror əməliyyatı zonasında 2 silahlı məhv edilib. Digər təfərrüatlar barədə hələ ki, məlumat verilmir.

***

Dağıstanın Tsumadin rayonunda antiterror əməliyyatı rejimi tətbiq edilib.

APA-nın RİA Novosti agentliyinə istinadən verdiyi xəbərə görə, bu barədə Milli antiterror Komitəsinin qərargahının nümayəndəsi bildirib.

Onun sözlərinə görə, hazırda silahlıların zərərsizləşdirilməsi üzrə əməliyyat aparılır: “Antiterror əməliyyatı rejimi Tsumadin rayonunun Kvanada kəndində yerli vaxtla saat 22:00-dan etibarən tətbiq edilib. Hazırda əməliyyat-axtarış tədbirləri həyata keçirilir”.

Digər təfərrüatlar barədə məlumat verilmir.