Almaniya Türkiyədəki səfirlik və konsulluqlarını bağladı

Yüksək terror təhlükəsi səbəbi ilə Almaniya Türkiyədəki səfirlik və konsulluqlarını bağlayıb.

Virtualaz.org "Bild" nəşrinə istinadən xəbər verir ki, Türkiyədəki alman məktəbləri sentyabrın 16-dək məhdud rejimdə işləyəcək. Həmin məktəblərdə kənar şəxslərin qəbulu artıq dayandırılıb.

Qəzetin məlumatında bildirilir ki, səfirlik terror hücumları barədə xəbərdarlıq alıb. Bununla bağlı, diplomatik nümayəndəliklərin əməkdaşlarının, müəllimlərin və şagirdlərin təhlükəsizliyi üçün zəruri addımlar atılıb.