Tornike Rijvadze Gürcüstanın Acarıstan Muxtar Respublikasının (MR) hökumət başçısı vəzifəsinə təsdiq olunub.
APA-nın Gürcüstan bürosunun məlumatına görə, MR-in Ali Məclisi bugünkü iclasında T. Rijvadze və yeni hökumətə səs çoxluğu ilə etimad göstərib.
Qeyd edək ki, T. Rijvadze hakim “Gürcü Arzusu” Partiyasının Acarıstanın hökumət başçısı vəzifəsinə namizədi olub. O, “Gürcüstan Energetikasının İnkişafı Fondu”nun direktoru idi. Bu vəzifəyə qədər isə Gürcüstanın energetika nazirinin müavini vəzifəsində çalışıb.
Acarıstan MR-in keçmiş hökumət başçısı Zurab Pataradze iyulun 4-də istefa verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
