ABŞ Konqresinə “erməni soyqırımı” ilə bağlı yeni qanun layihəsi təqdim edildi

Barak Obama erməni soyqırımı”nı tanımağa və Ermənistan-Türkiyə münasibətlərinin yaxşılaşdırılması üçün addım atmağa çağırılır

ABŞ Konqresinə qondarma “erməni soyqırımı”nın tanınması ilə bağlı “Erməni soyqırımı haqqında həqiqət və ədalət aktı” adlı yeni qanun layihəsi təqdim olunub.

Lent.az-ın “tert.am” saytına istinadən verdiyi məlumata görə, qanun layihəsinin müəllifləri Konqresin Nümayəndələr Palatasının üzvləri Maykl Qrim, Adam Şif, Frenk Palone və Devid Valadaodur.

Qanun layihəsində Barak Obama “erməni soyqırımı”nı tanımağa və Ermənistan-Türkiyə münasibətlərinin yaxşılaşdırılması üçün addım atmağa çağırılır. Sənəddə o da vurğulanır ki, Türkiyə-Ermənistan münasibətlərinin tənzimlənməsi Türkiyənin “erməni soyqırımı” faktını və “erməni soyqırımı”nın nəticələrini tanımasından asılıdır.