[b]Dəniz quldurlarının qaçırdığı 6 türk AZADLIQDA[/b]
26 aprel 2016 11:52 (UTC +04:00)

[b]Dəniz quldurlarının qaçırdığı 6 türk AZADLIQDA[/b]

Aprelin 11-də Afrika sahillərində Türkiyənin “Kaptanoğlu Denizcilik” şirkətinə məxsus "Puli" adlı tankerə dəniz quldurları hücum edib, 6 nəfər gəmi heyətini qaçırmışdı. Lent.az-ın Türkiyə mətbuatına istinadən məlumatına görə, onlar artıq sərbəst buraxılıblar. Bu barədə tankerin məxsus olduğu şirkətin hüquq şöbəsi məlumat yayıb.

 Qeyd edək ki, Malta bayrağı ilə Nigeriya sahillərində üzən 148 metr uzunluqdakı “ Puli” adlı tanker  dəniz quldurlarının hücumuna məruz qalmışdı. Dəniz quldurları gəmi kapitanı da daxil olmaqla, 6 heyət üzvünü qaçıra biliblər. Bir neçə gün əvvəl “Kaptanoğlu Denizcilik” şirkəti dəniz quldurlarının qaçırdığı dənizçilərin sağlıq durumlarının yaxşı olduğunu, tankerin də təhlükəsiz şəkildə üzdüyünü açıqlayıb. Şirkət Türkiyə Xarici İşlər, Nəqliyyat və İnformasiya nazirlikləri və digər aidiyyatı qurumlarla əlaqə saxlayıb, məsələ ilə bağlı baş verənlər haqqında ictimaiyyəti  məlumatlandırırdılar.

 

# 119
avatar

Oxşar yazılar