Türkiyənin səhiyyə naziri Fəxrəddin Qoca
25 iyul 2021 21:15 (UTC +04:00)

Türkiyənin səhiyyə naziri Fəxrəddin Qoca

Türkiyənin səhiyyə naziri: "İnfeksiya ilə mübarizəmiz çox çəkə bilər”

Türkiyədə son sutkada yeni növ koronavirusa (COVID-19) yoluxma sayı 14 mini keçib. 

APA-nın yerli bürosunun xəbərinə görə, bu barədə Türkiyənin Səhiyyə Nazirliyi xəbər yayıb.

Nazirliyin məlumatında bildirilib ki, Türkiyədə gündəlik statistikaya əsasən, COVID-19 infeksiyası ilə əlaqədar 223 min 837 nəfər test edilib, onların 14 min 230-nun koronavirus testi pozitiv nəticə verib, 5 min 383 nəfər sağalıb, 55 nəfər COVİD-19-dan ölüb. 

Nazirliyin  covid19.saglik.gov.tr  saytına istinadla paylaşdığı cədvəldə Türkiyədə indiyədək COVİD-19-a qarşı birinci, ikinci və üçüncü mərhələ daxil 66 milyon 142 min 804  peyvənd tətbiq edildiyi qeyd olunub. 

Türkiyənin səhiyyə naziri Fəxrəddin Qoca özünün twitter səhifəsində infeksiyanın yayılması ilə əlaqədar xəbərdarlıq edərək bildirib ki, COVID-19-la mübarizə tədbirlərini aprtırmaq lazımdır: “Tədbirli olmasaq və peyyvənd etdirməsək, bu infeksiya ilə mübarizəmiz çox çəkə bilər” deyə nazir qeyd edib.

# 762
avatar

Oxşar yazılar