Santa-Barbaradakı malikanəsini Britaniya şahzadəsinə satan milyarder öldü

Rusiyalı milyarder, “RosEvroBank”ın keçmiş həmsədri Sergey Qrişin 56 yaşında vəfat edib. Əvvəllər bildirilirdi ki, təxminən bir ay əvvəl iş adamı beyninə qan sızması səbəbindən xəstəxanaya yerləşdirilib.

Lent.az-ın xarici mediaya istinadən xəbərinə görə, , Qrişin Santa-Barbaradakı malikanəsini Britaniya şahzadəsi Harriyə və həyat yoldaşı Meqan Markla 15 milyon dollara satmaqla tanınır. Qrişin həmçinin iddia edirdi ki, o, 90-cı illərdə ödəniş məsləhəti sxemi icad etməklə Rusiya iqtisadiyyatını az qala iqtisadi çöküşə gətirib çıxarıb.

1994-cü ildə ortaqları Andrey və Dmitri Suzdaltsev ilə birlikdə sonradan “RosEvroBank” adlandırılan “Lubyanka” bankını alıb. Qrishin sonra inkişaf və logistika ilə məşğul olan bir neçə şirkət yaradıb.