Kişi evə qayıdıb öz dəfnində iştirak etdi - ŞOK OLAY

Tailandda bir kişi öz dəfni üçün evə qayıdanda ailəsini şoka salıb.

Lent.az xarici mediaya istinadla xəbər verir ki, Borrabue polis idarəsinin əməkdaşları yanvarın 18-də şəxsiyyəti məlum olmayan bir kişinin ölümünü araşdırıblar. Kişinin havanın soyuq keçməsi nəticəsində öldüyü ehtimal edilib. Hüquq-mühafizə orqanlarının əməkdaşları ölən şəxsin Sakon Nakhon əyalətinin Savanq Dandin rayonunun sakini Fet olduğu qənaətinə gəliblər.

Meyit şəxsiyyəti və ölüm səbəbini dəqiqləşdirməkdən ötrü yarılma üçün Xon Kaen xəstəxanasına aparılıb. Meyitin kimliyinə əmin olan polis, Fetin ailəsinə onun ölümü barədə məlumat verib və yarılma aparılarkən onları dəfn üçün hazırlaşmağa çağırıb.

Yanvarın 20-də ailə evdə dəfn üçün hazırlıqlara başlayıb. Fetin kiçik qardaşı yarılma nəticələrini almaq üçün Xon Kaen əyalətinə gedib.

Qardaşı hələ xəstəxanada olarkən gözlənilmədən ailəsi ona zəng edərək deyib ki, Fet evə sağ-salamat qayıdıb.

Məlum olub ki, polisin xəbərindən əvvəl Fet təkrar emal olunanları toplamaq üçün başqa şəhərə gedib. Lakin onun uzun müddət yoxluğu ailəsini meyitin Fetə məxsus olmasına inandırıb.