Günəşdə güclü partlayış: Elektrik şəbəkələri sıradan çıxır

“Yanvarın 9-da Günəşdə güclü partlayış baş verib”.

Lent.az xəbər verir ki, bunu Rusiya Elmlər Akademiyasının (REA) Lebedev adına Fizika İnstitutunun Günəşin rentgen astronomiyası laboratoriyası məlumat yayıb.

Qeyd olunub ki, X1.9 sinifli partlayış Bakı vaxtı ilə saat 22:37-də başlayıb, 22:50-də pik həddə çatıb və 22:57-də isə başa çatıb.

Günəşdə güclü partlayış Yerdə maqnit qasırğalarına səbəb olur. Bu da elektrik şəbəkələrinin sıradan çıxmasına, quşların və heyvanların miqrasiya yollarına təsir göstərir.

Eyni zamanda təbiət hadisəsi qısadalğalı rabitə və naviqasiya sistemlərində pozuntulara, sənaye şəbəkələrində elektrik enerjisinin kəsilməsinə səbəb ola bilər.