Artıq Fransanın əksər ərazilərində səsvermə məntəqələri bağlanıb, səslərin sayılması proseduru başlayıb.
Lent.az-ın xəbərinə görə, səsvermə bürosu sədr, 2 komissiya üzvü, bir katib və 4 sayıcıdan ibarət olur.
Komissiya üzvləri seçki zərflərini yüz-yüz qruplaşdırdıqdan sonra sayıcılara təhvil verirlər. Sayıcılardan biri bülleteni zərfdən çıxararaq ikinci şəxsə ötürür. O, səs verilmiş namizədin adını uca səslə elan edir. Digər 2 sayıcı namizədləri müvafiq vərəqdə qeyd edir.
Sayılma başa çatdıqdan sonra akt tərtib olunaraq məntəqə sədri tərəfindən imzalanır və yuxarı instansiyaya göndərilir.
Sayıcılar həm seçki məntəqəsi tərəfindən təyin oluna, həm də könüllülük prinsipi ilə işə cəlb edilə bilərlər. Burada əsas tələb onların səsvermə hüququnun olması və səslərin sayılmasında iştirak etdikləri məntəqədə seçici kimi qeydiyyatda olmalarıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
