Fransada AES işçilərinin müddətsiz tətili BAŞLADI

Fransada pensiya islahatına qarşı enerji sektoru işçilərinin müddətsiz tətili başlayıb.

Lent.az-ın “İzvestiya”ya istinadən verdiyi xəbərə görə, bu barədə Ümumi Əmək Konfederasiyası (CGT) həmkarlar ittifaqı məlumat yayıb.
Əvvəlcə aksiyaların martın 7-dən keçiriləcəyi nəzərdə tutulurdu. Lakin islahat layihəsi müzakirə üçün Senata göndərildiyindən EDF (Fransanın ən böyük dövlət enerji istehsal edən şirkəti) atom elektrik stansiyalarında çalışan işçilər tətilə tez başladılar.