De Qollun nəvəsi Qərbin Rusiyaya qarşı sui-qəsdindən danışdı

Fransanın keçmiş prezidenti Şarl de Qollun nəvəsi Pyer de Qoll Qərbin Rusiyaya qarşı sui-qəsdindən danışıb.

Lent.az xarici mediaya istinadla bildirir ki, De Qollun nəvəsinin sözlərinə görə, Qərb Rusiyaya qarşı sanksiyaları və iqtisadi müharibəni əvvəlcədən planlaşdırıb.

Beşinci Respublikanın qurucusunun nəvəsinin sözlərinə görə, anti-Rusiya sanksiyalarının sayı və dərinliyi onların çoxdan planlaşdırıldığını göstərir.

“Bu, əslində, əsl iqtisadi müharibədir” deyən Pyer de Qol ABŞ-ın bu müharibədən faydalandığını qeyd edib.

De Qollun nəvəsi onu da bildirib ki, sanksiyaların doğurduğu görünməmiş iqtisadi böhranda Rusiyanın günahı yoxdur, buna görə Vaşinqton və Brüssel Moskvanı günahlandırmağa çalışır.