Bu ölkədə məmurlara icazəsiz ölkədən getmək qadağan edildi

Pakistanın Federal Təhqiqatlar Agentliyinin (FIA) təhlükəsizlik və İmmiqrasiya Xidmətinin əməkdaşlarına etirazın olmaması barədə sertifikat olmadan ölkədən gedən dövlət məmurlarının buraxılmaması barədə tapşırıqlar verilib.

Lent.az-ın xarici mediaya istinadla məlumatına görə, bütün beynəlxalq hava limanlarında FİA əməkdaşları yüksək hazırlıq vəziyyətinə gətirilib. Xidmət əməkdaşlarına xüsusi icazə olmadan xaricə getmək istəyən bütün dövlət qulluqçularının qarşısının alınması tapşırılıb.

Aprelin 3-də Pakistanın İnformasiya və Yayım naziri Fərrux Həbib Pakistan hökumətinin istefaya göndərildiyini açıqlayıb.

Aprelin 9-da Pakistan parlamenti baş nazir İmran Xana etimadsızlıq səsverməsi keçirib. Ölkə parlamenti aprelin 11-də yeni baş nazirin seçilməsinə səs verəcək.