Bir milyon dolların çəkisi NƏ QƏDƏRDİR?

Hava limanında naməlum silahlı şəxslər Moskvaya gələn iki Qırğızıstan vətəndaşının 4 milyon dollar olan çantalarını oğurlayıb.

Maraqlıdır, əskinasların çəkisi nə qədər idi?

Lent.az xəbər verir ki, nominaldan asılı olmayaraq, hər kağız əskinasın çəkisi təxminən 1 qram olur. ABŞ kağız pulları yeddi nominalda gəlir (1 dollar, 2 dollar, 5 dollar, 10 dollar, 20 dollar, 50 dollar və 100 dollar) və hamısı bir qram ağırlığındadır.

Qırğızıstan vətəndaşlarının sözlərinə görə, çantada 4 milyon dolları olub. Əgər bütün məbləğ yüz dollarlıq pullar olubsa, bu da 40 000 ədəd əskinasdır. O da 40 kq-a bərabərdir. Əgər bunlar əlli dollarlıq əskinaslar idisə, ümumilikdə 80 kq ağırlığında 80 min əskinas var idi.

Əskinasın nominalından asılı olaraq bir milyon dolların çəkisi:

1 dollarlıq əskinaslar -1000 kq;
2 dollarlıq əskinaslar - 500 kq;
5 dollarlıq əskinaslar - 200 kq;
10 dollarlıq əskinaslar - 100 kq;
20 dollarlıq əskinaslar - 50 kq;
50 dollarlıq əskinaslar - 20 kq;
100 dollarlıq əskinaslar - 10 kq.