Dağıstanlı icra başçısı Moskvada güllələnib
28 sentyabr 2009 19:00 (UTC +04:00)

Dağıstanlı icra başçısı Moskvada güllələnib

Alimsultan Alxamatovu öldürənlərin 2-si tutulub
Dağıstanın Xasavyurt rayonunun icra başçısı Alimsultan Alxamatov iyulun 27-də saat 20:35-də sui-qəsd nəticəsində xidməti maşınında öldürülüb. Alimsultan Alxamatovun öldürülməsi ilə bağlı cinayət işi açılıb.
Lent.az-ın ”İnterfaks” agentliyinə istinadən verdiyi məlumata görə, hüquq-mühafizə orqanları Alimsultan Alxamatova qarşı sui-qəsd zamanı avtomobili idarə edən 32 yaşlı Dağıstan sakini Xabir Budayxanovu və atəş açdığı ehtimal olunan şəxsi saxlayıblar.

Sui-qəsddə iştirak edən digər iki nəfər də müəyyənləşdirilib və hazırda paytaxtda onların axtarışı aparılır.

Hadisə yerindən tapılmış Kalaşnikov avtomatının digər cinayət hadisələrində istifadə edilib-edilmədiyi araşdırılır.

Hazırda xəstəxanada olan, hadisə vaxtı ayağından çoxlu sayda güllə yarası almış icra başçısının 37 yaşlı sürücüsü Nadjmutdin Mitikov də bu gün milisə ifadə verəcək.

Qeyd endək ki, bundan əvvəl Xasavyurtun icra başçısına qarşı 3 dəfə sui-qəsd cəhdi olub.
# 925

Oxşar yazılar