“Amnesty International”dan İrana xəbərdarlıq

“Amnesty İnternational” (Beynəlxalq Əfv Təşkilatı) İrana xəbərdarlıq edib.
Lent.az-ın amnesty.org-a istinadən verdiyi məlumata görə, təşkilat işgəncə və təcavüz qurbanlarının təhlükəsizliyi təmin olunması barədə İran dövlətinə xəbərdarlıq edib. Təşkilat İranda seçki məhbuslarını, işgəncə və təcavüz qurbanlarını yeni təhlükələr gözlədiyinə dair narahatlığını bildirib. Qurumun baş katibi xanım Ayrin Xan İranın ali rəhbərindən işgəncə və təcavüz qurbanlarının təhlükəsizliyi təmin olunmasını və onlara qarşı zorakılıqda əli olan şəxslərin qanun qarşısında cavab vermələrini tələb edib.
A.Xan bildirib ki, İranda işgəncəyə və təcavüzə əl atanların yerinə bu kimi cinayətlərin üstünü açanlar, həyəcan təbili çalanlar, ictimai fikri buna yönəldənlər təqib olunur. O, bu təqiblərin məhkəmə qərarlarında da özünü göstərdiyini söyləyib. Əfv təşkilatı Xamneyidən seçki məhbuslarının təhlükəsizliyinə təminat verilməsini, eləcə də işgəncələr və edamlar praktikasına qarşı çalışan beynəlxalq mütəxəssislərin vəziyyətini təhqiq etmək məqsədilə İrana səfər etməsinə şərait yaradılmasını istəyib.
Fərid Əkbərov