Mobil telefon qadağan edildi

Əfqanıstan və Pakistanda təsir dairəsini genişləndirməkdə olan Taliban hərəkatı növbəti qadağasını elan edib.
Lent.az-ın Türkiyə mətbuatına istinadən yaydığı xəbərə görə, bir çox bölgədə insanlara televizora baxmağı, musiqiyə qulaq asmağı və kompüterlə işləməyi qadağan edən Taliban “mobil telefonların İslam dininə uyğun istifadəsi” ilə bağlı fətvasını yayıb.
Fətvada qeyd olunur ki, müsəlmanlar şəkil və video çəkən mobil telefonlar satın almamalıdırlar. Müsəlman telefonunda yaxın qohumu olmayan qadın və kişilərin fotoqraflarını saxlamamalı, əxlaqsız video kliplərindən istifadə etməməlidir.

Taliban mobil telefonda “Quran” ayələrinin melodiya kimi istifadəsini də qadağan edib.

Taliban xəbərdarlıq edib ki, qaydalara əməl etməyənlər ağır cinayət işləmiş sayılacaq və cəzalandırılacaqlar.