AKP-nin spikerliyə namizədi kürdlərdən dəstək istədi

AKP-nin Türkiyə Böyük Millət Məclisinin (TBMM) sədri postuna namizədi Mehmet Ali Şahin DTP başqanı Ahmet Türklə onun parlamentdəki ofisində görüşüb.

Lent.az-ın Türkiyə mətbuatına istinadən yaydığı məlumata görə, 15 dəqiqəlik görüşdən sonra Mehmet Ali Şahin jurnalistlərə açıqlamasında DTP sədri ilə faydalı bir müzakirə apardığını bildirib.

Mehmet Ali Şahin Ahmet Türkə spiker seçiləcəyi halda hansı qaydalar çərçivəsində bu vəzifəni yerinə yetirəcəyi barədə danışıb və DTP-nin TBMM sədrindən gözləntilərinin nədən ibarət olmasıyla maraqlanıb.

Mehmet Ali Şahin CHP-yə görüş üçün müraciət etdiyini, ancaq vaxtın azlığı səbəbindən ona görüşün baş tutmasının mümkün olmadığı bildirildiyini deyib. O, MHP-yə isə görüş üçün müraciət etmədiyini bildirib.

Qeyd edək ki, DTP spikerliyə öz namizədi var. Bu, Hasip Kaplandır.