Obamanın kişi sevgilisi

“Globe” jurnalı: Prezidentin homoseksual sevgilisi Ağ evdə işləyir
Amerikan mətbuatı prezident Barak Obama haqqında ən müxtəlif məlumat yayır.

Lent.az-ın məlumatına görə, prezident haqqında ortaya atılan növbəti iddia şok təsiri yaradıb. Belə ki, mətbuat bu dəfə Obamanın kişi sevgilisinin olması barədə iddia ilə çıxış edib. Ölkədə nəşr olunan çoxtirajlı “Globe” jurnalı prezidentin kişi “sevgili”sinin adını da açıqlayıb. Dərgi həmin şəxsin Obamanın yaxın dostu və şəxsi assistenti olan Recci Lov olduğunu yazıb.

İddiaya görə, 28 yaşlı assistent iki il əvvəl, hələ Obama senator olanda onun yanında işə başlayıb. Tezliklə senatorun etibarını və sevgisini qazanan Lovun hazırkı vəzifələrinin sayı olduqca çoxdur. O, Obamanın telefonunu daşımaq, lazım olan şəxslərə zəng etmək, ayaqüstü yemək və ya saqqız gətirmək, prezidentə kiminlə əl görüşdüyünü demək, dövlət başçısının qələm və dəftərini daşımaq, Ağ evin aşpazına yemək menyusunu demək və s. vəzifələri yerinə yetirir.

Jurnalda “Mişelin böyük dərdi: Obamanın homoseksual sevgilisi Ağ evdə işləyir” başlıqlı yazı dərc edilib. Yazıda Obama və Lovun uzun müddətdir, aralarına sevgi bağı olduğu iddia olunub. Jurnal yazır ki, Mişel Obamanın bu münasibətdən xəbəri var, ancaq qalmaqal yaratmamaq və qızlarının gələcəyini riskə atmamaq üçün susur.

Qeyd edək ki, assistent ildə 120 min dollar maaş alır.