Hipnozla kamikadzelər hazırlayan nurçu həbs olunub
18 oktyabr 2010 20:30 (UTC +04:00)

Hipnozla kamikadzelər hazırlayan nurçu həbs olunub

Rusiya xüsusi xidmət orqanları Moskvada bu ölkədə qadağan olunmuş nurçu dini cərəyanının rəhbərlərindən olan Aydar Həbibullanı saxlayıb.

Lent.az-ın “nakanune.ru” saytına istinadən verdiyi məlumata görə, o, terrorçu-kamikadzelər üçün hipnoz texnologiyaları işləyib hazırlamaqla məşhurlaşıb. Rusiya mətbuatı yazır ki, nurçuların mənzil-qərargahı Türkiyədə yerləşir. Aydar Həbibulla isə Şərqi Avropa və Mərkəzi Rusiyada terrorçular hazırlığına məsul şəxs sayılır. Rusiya xüsusi xidmət orqanları Aydar Həbibullanın hansı məqsədlə Moskva vilayətində peyda olmasını araşdırır. Onun çantasından Moskva vilayətinin ərazisinin bir qismini təsvir edən xəritə tapılıb. Xəritədə Domodedev aeroportu, Balaşixinsk, Lyüberetsk və Ramens rayonları təsvir olunub, Konstantinovo kəndi isə yaşıl dairəyə alınıb.

Artıq Aydar Həbibullaya qanunsuz silah, partlayıcı maddə və qurğular əldə etmək, düşmənçilik toxumu səpmək ittihamları ilə cinayət işi qaldırılıb. Balaşixinsk Məhkəməsi onun haqqında həbs qərarı verib.
# 626

Oxşar yazılar