Obama Xaçı və İsa peyğəmbərin üzünü bağlatdırdı!

Katoliklər qəzəbləndi

Amerika Birləşmiş Ştatlarının prezidenti Barak Obama Corctaun Universitetində çıxış etməzdən əvvəl zalın divarında Həzrəti İsanın adının yazıldığı hissəni qapadıb. Lent.az-ın məlumatına görə, qara dərili prezident yalnız bundan sonra zala daxil olaraq çıxış edib. İsa peyğəmbərdən başqa zaldakı xaç simvolunun da üstü bağlanılıb.

Bu hadisə ABŞ-da gündəmi qarışdırıb. Katolik dərnəkləri dərhal hadisə barədə sərt reaksiya göstəriblər, həmin tələbələr isə Corctaun Universitetinin rəhbərliyini xristian mirasına sayğısızlıq etməkdə günahlandırıb.

Bu arada xatırlatmaq yerinə düşər ki, Obama Türkiyədə olarkən İstanbuldakı “Sultanəhməd” məscidində də olmuşdu. Katoliklər bu faktə nəzərdə tutaraq, ona “Sultanəhməd”ə getmişdin, kilsəyə də get” çağırışını ünvanlayıblar.

Xristian dinini Müdafiə Koalisiyasından gələn açıqlama isə “Şokdayıq” ifadəsi yer alıb.