Stilistlər bu yeni dəbli saç düzümünü klassik çoxqatlı saç kəsimlərinə ən yaxşı alternativ adlandırırlar. Çünki bu saç düzümü saçları yüngül və həcimli edir, təbii gözəlliyi vurğulayır və insanı 10 yaş daha gənc göstərir.
Lent.az bu saç modellərini sizə təqdim edir:
2025-ci ilin trendlərində hansı yeni cavanlaşdıran saç düzümü var?
Saç ustaları və stilistlər 40 yaşdan yuxarı qadınlara yalnız cazibədarlıq qazandırmaqla kifayətlənməyən, həm də saçlara oynaq və vizual həcm verən saç düzümü seçməyi tövsiyə edirlər. Hazırda bütün dünyada stilistlərin və onların müştərilərinin diqqətini çəkən ən məşhur texnikalardan biri “brilliant” və ya “almaz” adlandırılan saç düzümüdür. Bu, klassik çoxqatlı saç düzümünə mükəmməl alternativ olan müasir texnikadır. Ekspertlər məhz bu saç düzümünü niyə məsləhət görür və onun cavanlaşdırma effekti necə işləyir?
“Brilliant” saç düzümü nədir?
Almaz (brilliant) saç düzümü – bu saç kəsimi variantı saçlarda brilliantın kənarlarını xatırladan dəqiq həndəsi xətlər və bucaqlar yaratmağı nəzərdə tutur. Saç ustası saçları bölmələrə ayırır və onları diaqonal və ya zikzak formalı tellərlə kəsir.
Diamond Dry Cut texnikası – “quru brilliant kəsimi” və ya “brilliant quru kəsimi” texnikasını britaniyalı stilist Maykl Van Klark yaradıb. Bu texnika saçların yaş deyil, quru halda kəsilməsi ilə fərqlənir. Bu isə üz formasını və saçların real vəziyyətdə olan teksturasını nəzərə alaraq işləməyə imkan verir. Belə müasir yanaşma saç düzümünə saçlara hərəkətlilik, yüngüllük, vizual sıxlıq və həcm verir.
“Quru brilliant kəsimi” texnikası necə işləyir?
Məşhur britaniyalı stilistin sözlərinə görə, “brilliant” saç düzümü – bu, üzün təbii gözəlliyini və mükəmməl xətlərini vurğulamağa imkan verən üçölçülü metoddur. Klassik çoxqatlı kəsimlə bu effekti əldə etmək mümkün deyil. Bu saç düzümü yanaqları vurğulayır, üz xətlərini daha dəqiq edir və alın nahiyəsindəki yaşlanma əlamətlərini maskalayır.
Saç düzümünün əsas üstünlükləri – gözəllik, təbiilik və dağılmayan saç tellərinin dəqiq quruluşudur. “Almaz” saç düzümü fen və tez-tez yenilənmə tələb etmir, bu isə onun üstünlüklərindən biridir. Bu yanaşma saçların teksturasını nəzərə alır və fərdiliyi ön plana çıxarır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
