2023 yay üçün moda trendləri

"Who What Wear" jurnalının moda mütəxəssisləri 2023-cü ilin yayında ən yaxşı 11 trendi sadalayıb.

Lent.az xarici KİV-ə istinadən xəbər verir ki, müvafiq yazı nəşrin saytında yerləşdirilib.

Onlar ilk növbədə oxuculara "Raey", "Reformation" və "Richie" brendlərinin çeşidində təqdim olunan maxi uzunluqlu ətəklərə diqqət etməyi tövsiyə ediblər. Bundan əlavə, rafiyadan toxunan çantalar və digər aksesuarlar dəbə girəcək. “1990-cı illərin minimalist qarderob əşyaları da aktual olacaq. Məsələn, bol bədən kostyumları", - qeyd ediblər.

Bundan əlavə, qırmızı, tennisçilərin formasını təqlid edən paltarlar və ətəklər, müxtəlif kəsikli ağ şalvarlar populyarlaşacaq. Aksessuara gəlincə, 1980-ci illərin üslubunda olan zinət əşyalarına yaxından baxmaq daha yaxşıdır. Bundan əlavə, çiçəkli aplikasiyalı əşyalar və klassik köynəklər dəbdə olacaq.