Yuliya Navalnayadan ərinə vida mesajı - VİDEO

Rusiyalı müxalif siyasətçi Aleksey Navalnının dul xanımı Yuliya Navalnaya həyat yoldaşına vida mesajı yazıb.

Lent.az xarici mətbuata istinadən xəbər verir ki, o, bu barədə sosial şəbəkə hesabında paylaşım edib.

O, 26 illik ərinə minnətdarlığını bildirib. Navalnaya sevgisinə, dəstəyinə və daimi diqqətinə görə ona minnətdar olduğunu da yazıb.

“Mən sənsiz necə yaşayacağımı bilmirəm, amma səni mənim üçün xoşbəxt etməyə və mənimlə fəxr etməyə çalışacağam. Bilmirəm, öhdəsindən gələ biləcəyəm, ya yox, amma çalışacağam.

Bir gün mütləq görüşəcəyik. Sizin üçün o qədər danışılmamış hekayələrim var və mahnı var ki...

Düzünü desəm, dəhşətli mahnılar var, amma onlar bizim haqqımızdadır və mən çox istəyirdim ki, dinləyəsiniz”.

Qeyd edək ki, rusiyalı müxalif siyasətçi Aleksey Navalnı fevralın 16-da cəza çəkdiyi həbsxanada müəmmalı şəkildə ölüb. O, bu gün Moskvada dəfn edilib.