Amerikalı psixoloq Mark Trevers uzunömürlü və möhkəm sevgini formalaşdırmağa kömək edən iki elmi əsaslandırılmış addımı açıqlayıb.
Lent.az xarici mediaya istinadla xəbər verir ki, psixoloqun vurğuladığı iki əsas addım bunlardır:
1. “Sevgi xəritəsi” yaradın
Möhkəm münasibətlərin bünövrəsi tərəfdaşın daxili dünyasını tanımaqdan başlayır. Burada söhbət sadəcə faktları bilməkdən getmir, “sevgı xəritəsi” partnyorun hisslərini, qorxularını, dəyərlərini, ümidlərini və zamanla dəyişən daxili ehtiyaclarını anlamağı nəzərdə tutur. Bu bilik cütlüklərə stresli dövrlərdən mehribanlıq və səbrlə keçməyə kömək edir, çünki siz yalnız reaksiyaya yox, öncədən duyuma əsaslanan davranış sərgiləyirsiniz.
2. Bir-birinizə “üz tutmağı” öyrənin
Partnyor ünsiyyətə, dəstəyə və diqqətə ehtiyac hiss etdikdə ona “üz tutmaq”, yəni cavab vermək, maraq göstərmək və emosional əlaqəni təsdiqləmək çox vacibdir. İgnor etmək və ya aqressiv reaksiya vermək isə tədricən yaxınlığı dağıdır. Gottmanların araşdırmalarına görə, xoşbəxt cütlüklər bu “üz tutma” reaksiyasını halların təxminən 86 faizində göstərirlər, ayrılan cütlüklər isə cəmi 33 faizində.
Mütəxəssislər bildirirlər ki, bu model ideallıq tələb etmir, əsas olan kifayət qədər tez-tez və ürəkdən istiqamətlənmək, diqqət göstərmək və münasibəti canlı saxlamaqdır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
