İlk öpüşdən sevgi: reallıq ola bilər

İlk öpüşdən sevgi reallıq ola bilər. Psixoloqlar hesab edirlər ki, “ilk öpüşdə məhəbbət”ə inananlar, gözləntilərinin sevgi həyatına təsir etməsinə imkan verirlər.

Lent.az xarici mediaya istinadən məlumat verir ki, romantik əlaqələr haqqında ideallaşdırılmış inancları olan insanlar, ilk öpüş kimi münasibətlərin mərhələlərinə daha çox əhəmiyyət verirlər. Kimyanın, əlaqənin və "mədədəki kəpənəklər" hissinin əhəmiyyəti vurğulanan rəvayətlərin insanların sevgi hekayələrinə müsbət təsir göstərdiyi sübut edilib.

“Frontiers in Psychology” jurnalında dərc olunan son araşdırmada ilk öpüşlə bağlı inancların insanların aşiq olmalarına necə təsir göstərdiyi izah edilib.

Birincisi, tədqiqatçılar müəyyən ediblər ki, ilk öpüş "həyat yoldaşı seçimi" üçün bir vasitə ola bilər, çünki öpmək üçün əyilərkən, bir insanın sağlamlığının göstəricisi ola bilən partnyorunuzun qoxusunu içinə çəkirsiniz.

İlk öpüşlə bağlı inanclar aşiqlərin romantik münasibətlər haqqında təsəvvürlərini formalaşdırır və əlaqənin gedişatına və keyfiyyətinə təsir göstərir.

Araşdırma göstərib ki, əgər partnyorunuzun yaxşı öpüşdüyünü düşünürsünüzsə və tez-tez öpüşməyə məşq etsəniz, bu, həm cinsi məmnunluğunuz, həm də ümumi münasibətinizin keyfiyyəti haqqında çox şey deyir.

Tədqiqatçılar deyirlər ki, ilk öpüşün vacib olduğuna inanmaq kimi romantik gözləntiləri ideallaşdıran insanlar, həm də partnyorunun çatışmazlıqlarına daha çox göz yumurlar.

Partnyorunuzu bütləşdirmək istəyi sadəcə bir fantaziya deyil, həm də münasibətlərdən məmnunluq və sədaqəti qorumağa kömək etdiyi sübut edilib ki, bu da uzunmüddətli əlaqələrə səbəb olur.

Bununla belə, bəzi romantiklər üçün “ilk öpüşmə inancına” həddən artıq önəm vermək münasibətlərini uğursuzluğa məhkum edən daha real olmayan gözləntilərə kömək edə bilər.