Həyat yoldaşı Baydeni kosmosa göndərməklə hədələdi

ABŞ prezidentinin sözlərinə görə, o, NASA rəhbərinin bu ideyanı dəstəkləyəcəyindən ehtiyat edir.

ABŞ prezidenti Co Bayden etiraf edib ki, birinci xanım Cil Bayden bəzən onu kosmosa göndərməklə hədələyir.

Lent.az-ın xarici mediaya istinadla xəbərinə görə, Amerika liderinin Perunun prezidenti Dina Boluarte ilə görüşdə söylədiyi bəyanatları Ağ evin mətbuat xidməti yayıb.
Bayden xüsusilə Milli Aeronavtika və Kosmos Administrasiyasının (NASA) direktoru Bill Nelsonun rolunu vurğulayaraq "kosmosun tədqiqində ABŞ-Peru əməkdaşlığı"na toxunub.

“Həyat yoldaşım hər dəfə əllərimlə mübarizə apardığımı hiss etdikdə, məni kosmosa göndərmək üçün ona zəng edəcəyini söyləyir”, - Baydenin bu sözləri iştirak edənlərin gülüşünə səbəb olub.

Prezidentin sözlərinə görə, o, NASA rəhbərinin bu ideyanı dəstəkləyəcəyindən qorxur.
Eyni zamanda Bayden xatırladıb ki, may ayında Peru Amerikanın kosmosda davranış normaları ilə bağlı “Artemida sazişi” adlanan təkliflərinə qoşulub.

Amerikanın Artemis (“Artemida”) Ay proqramının adını daşıyan “Artemida sazişi”, ABŞ və digər ölkələr arasında bağlanan bir sıra ikitərəfli müqavilələrdir. 1967-ci il Kosmik müqavilənin prinsipləri əsasən əsas götürülür. 2020-ci ilin may ayında NASA sazişin əsas müddəalarını açıqlayıb: Ayda ehtiyatların çıxarılması və “zərərli müdaxilənin” qarşısını almalı olan təhlükəsizlik zonalarının yaradılması ideyası.