Çox az insan əvvəlcədən ailə həyatının qaçılmaz eniş-yoxuşlarına hazır olur. Əksəriyyət isə düşünür ki, çətinliklər yarananda onların öhdəsindən gəlməyi bacaracaq.
Lent.az xarici KİV-ə istinadla xəbər verir ki, lakin cütlük evlilikdən öncə üç ssenarini birlikdə uğurla yaşayıbsa və bu prosesdən daha güclü çıxıbsa, bu, onların nikaha digərlərindən daha yaxşı hazır olduqlarının göstəricisidir.
1. Həqiqi fikir ayrılığı
Xoşbəxt evlilik üçün tərəflər ümumi məqsəd naminə fərqlilikləri kənara qoya bilməlidirlər. Dəyərlər, ideyalar, baxışlar və fikirlər üzrə ziddiyyətlər qaçılmazdır. Əsas məsələ bu mübahisələri bir-birinə qarşı yox, bir yerdə həll etməyi bacarmaqdır. Münasibətlərdən məmnunluq birbaşa münaqişələrin idarə olunma üslubundan asılıdır.
2. İntim həyatda durğunluq
Cinsi çətinliklər hər bir münasibətdə baş verə bilər və çox vaxt insanın nəzarətindən kənar səbəblərlə bağlıdır. İntim həyatda “quraqlıq dövrləri” nadir deyil və bir çox cütlüklər bundan keçir. Lakin fiziki və emosional yaxınlıq bir çoxları üçün məhəbbətin mühüm hissəsidir, buna görə də bu durğunluq münasibətlərə ciddi zərbə vura bilər. Əsas problem çətinliyin özü deyil, cütlüyün onunla necə mübarizə aparmasıdır. Uğurlu evlilik qeyri-kamilliyi qəbul etməyi tələb edir.
3. Stressli həyat hadisəsi
Yataq otağından kənarda da həyat qəfil dəyişə bilər: işin itirilməsi, xəstəlik, yaxın insanın itkisi, fəlakətlər. Belə vəziyyətləri əvvəlcədən görmək mümkün deyil, lakin onlar partnyorların təzyiq altında necə davrandığını üzə çıxarır. İnsanların çətin dövrlərdə davranışları münasibətlərdən məmnuniyyətə birbaşa təsir edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
