“Qarabağ” avrokubokların qrup mərhələsində 1505 gündür ev qələbəsi qazana bilmir

Azərbaycan çempionu “Qarabağ” avrokubokların qrup mərhələsində ev qələbəsi qazana bilmir.

Apasport.az saytının məlumatına görə, Ağdam təmsilçisi öz meydanında son uğurunu 1505 gün əvvəl əldə edib.

2016-cı il oktyabrın 20-də Qurban Qurbanovun yetirmələri Yunanıstan PAOK-unu 2:0 hesabı ilə məğlubiyyətə uğradıb. Avropa Liqasının həmin matçından sonra ağdamlılar öz meydanındakı qrup görüşlərində qələbəyə həsrətdir.

Təmsilçimiz evdəki son 12 qrup matçında 3 heç-heçə edib, 9 dəfə məğlub olub. Bu gün İsrailin “Makkabi” (Təl-Əviv) klubunu İstanbulda qəbul edəcək “Qarabağ” qardaş ölkədə keçirdiyi ev matçında uğursuz seriyanı qırmağa çalışacaq.