15:59
16 Oktyabr 2020

Türkiyə klubunun futbolçusu koronavirusa yoluxdu

Türkiyənin “Trabzonspor” klubunda koronavirus testinin nəticələri açıqlanıb.

Apasport.az-ın klubun rəsmi saytına istinadən məlumatına görə, Qara dəniz təmsilçisinin bir futbolçusu virusa yoluxub.

Klub işçiləri, məşqçilər korpusu və futbolçu heyətindən götürülən testin nəticəsi yalnız bir oyunçuda pozitiv çıxıb. Adı açıqlanmayan həmin futbolçu artıq təcrid olunub.

Qeyd edək ki, “Trabzonspor” Super Liqanın V turu çərçivəsində oktyabrın 17-də “Başakşəhər”lə qarşılaşmalıdır.

Dİgər xəbərlər