Sumqayıtda taksi sürücüsünə qarşı soyğunçuluq edildi

Sumqayıtda taksi sürücüsünə qarşı soyğunçuluq edilib.

DİN mətbuat xidmətindən Lent.az -a daxil olan xəbərə görə, hadisə sentyabrın 10-da Sumqayıt şəhəri Kimyaçılar qəsəbəsi ərazisində baş verib.

Belə ki, şəhər Polis İdarəsinin 2-ci Polis Bölməsinə müraciət edən Bakı şəhər sakini R.Hüseynov idarə etdiyi “Toyota” markalı avtomobilə sərnişin qismində oturmuş bir nəfərin onun mobil telefonunu açıq talama yolu ilə aldığını bildirib.

Keçirilmiş əməliyyat-axtarış tədbirləri nəticəsində soyğunçuluğu törətməkdə şübhəli bilinən şəhər sakini, əvvəllər məhkum olunmuş Ə.Əliyev müəyyən edilərək polis əməkdaşları tərəfindən saxlanılıb.